Материалы отфильтрованы по дате: Четверг, 07 Октябр 2021
Четверг, 07 Октябр 2021 00:00

Вохӯрӣ бо Сафири Япония

5 октябри соли 2021 мулоқоти Сафири Ҷумҳурии Тоҷикистон дар Федератсияи Россия Давлатшоҳ Гулмаҳмадзода бо Сафири Япония дар Федератсияи Росссия Тоёхиса Кодзуки баргузор гардид.
Дар он дидор масъалаҳои муносибатҳои дуҷонибаи Тоҷикистон ва Япония ва ҳамкории ду кишвар дар чаҳорчӯби Муколамаи Осиёи Марказӣ + Япония баррасӣ шуданд.
Д.Гулмаҳмадзода ва Т. Кодзуки масоили рушди устувори муносибатҳои Тоҷикистон ва Японияро дар соҳаҳои гуногун, аз ҷумла иқтисоду савдо, маориф ва тандурустӣ, инчунин имконияти мусоидат ба таҳкими ҳамкорӣ дар бахши сайёҳӣ қайд намуданд.

Дар ин замина аҳаммиятнокии лоиҳаҳое, ки аз ҷониби Агентии ҳамкориҳои байналмилалии Япония (JICA) дар қаламрави Тоҷикистон амалӣ мегарданд, таъкид гардид.
Миёни ҳамсуҳбатон перомуни масъалаҳои муҳими байналмилалии мавриди эҳтимоми муштарак табодули афкор сурат гирифт.
Ҳамчунин, ҳавасмандии тарафайн ба густариши бештари ҳамкориҳои мутақобилан судманд байни ду Намояндагии дипломатӣ дар Москва изҳор гардид.

Опубликовано в Сиёсат

7 октябри 2021 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд.

Дар ҷараёни суҳбати дӯстона Президент Роҳбари давлати Русияро бо зодрӯзаш сидқан табрик намуда, ба ӯ сиҳатмандӣ, некӯаҳволӣ ва комёбиҳои навро дар фаъолияти давлатиашон орзу намуданд.

Пешвои миллат фаъолияти пурмаҳсули муҳтарам Владимир Путинро дар маснади Президенти Федератсияи Русия ва саҳми шоёни ӯро дар рушди ҳамаҷонибаи муносибатҳои дӯстӣ ва шарикии стратегии Тоҷикистону Россия ба таври хоса таъкид карданд.
Пешвои миллат муҳтарам Владимир Путинро ҳамчунин ба муносибати баргузории бомуваффақияти чорабинии муҳими сиёсӣ – интихоботи Думаи давлатии Федератсияи Русия муборакбодӣ намуданд.

Дар рафти суҳбат президентҳо ба муколамаи худ атрофи ҷанбаҳои алоҳидаи ҳамкориҳои дуҷониба ва масоили мубрами таъмини амнияти минтақавӣ идома бахшида, ба раванди рушди вазъи Афғонистон дар вақти охир таваҷҷуҳи хосса зоҳир карданд.

Опубликовано в Сиёсат

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон