Материалы отфильтрованы по дате: Вторник, 05 Октябр 2021

4 октябри соли 2021 мулоқоти Сафири Ҷумҳурии Тоҷикистон дар Федератсияи Россия Д. Гулмаҳмадзода бо Раиси Кумитаи иҷроия -Котиби иҷроияи ИДМ ИДМ С. Лебедев доир гардид.

Ҷонибҳо роҷеъ ба раванди ҳамкорӣ дар ҳошияи Созмон табодули афкор намуда, онроро ҳамчун заминаи устувор барои рушди минбаъдаи муносибатҳои мутақобилан судманд миёни кишварҳои Созмон донистанд.

Сафири Тоҷикистон бо таъкид ба рушди рӯзафзуни ҷаҳони муосир, нақш ва вазифаҳои Кумитаи иҷроияи ИДМ ва мақомоти соҳавии онро дар мусоидат ба таҳкими робитаҳои самаранок миёни давлатҳо дар самтҳои мухталифи ҳамкорӣ, ба вежа рушди долонҳои нақлиётӣ ва логистика, низоми тандурустӣ ва табодули таҷриба дар соҳаҳои илму тиб, маориф ва такмили ихтисоси коршиносони соҳавӣ қайд намуд.

Мавзӯи рушди соҳаи сайёҳӣ дар фазои ИДМ ҳамчунин, мавриди муҳокима қарор гирифт. Ҷонибҳо ҳавасмандии хешро ҷиҳати густариши ҳамкорӣ дар ин самт иброз доштанд.

Дар рафти суҳбат табодули афкор вобаста ба чорабиниҳои дар доираи ИДМ баргузоршаванда сурат гирифт.

Зимнан, ҳавасмандии ҳамсуҳбатон ҷиҳати идомаи робитаҳои судманд дар доираи ИДМ иброз гардид.

Опубликовано в Сиёсат

Имрӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин суҳбати телефонӣ анҷом доданд.

Дар оғози суҳбат Президенти Федератсияи Русия муҳтарам Владимир Путин Сарвари давлати мо муҳтарам Эмомалӣ Раҳмонро ба муносибати Рӯзи таваллудашон гарм табрик гуфта, ба ӯ дар ин росто таманниёти беҳтарини худро орзу намуданд ва тағйиротҳои бузургеро, таҳти роҳбарии оқилонаи Пешвои миллат дар кишвари мо ба вуқӯъ пайвастаанд, қайд карданд.

Сарони ду давлат масъалаҳои мушаххаси муносибатҳои дуҷонибаи байнидавлатии шарикии стратегӣ ва дурнамои рушду тавсеаи онҳоро мавриди гуфтугӯ қарор доданд.

Ба масъалаҳои таҳкими минбаъдаи ҳамкории ду кишвар дар соҳаи амният, аз ҷумла тақвияти моддиву техникии ҳифзи сарҳади Тоҷикистону Афғонистон бо дарназардошти раванди рушди вазъият дар Афғонистон дар вақтҳои охир, таваҷҷуҳи махсус зоҳир карда шуд.

Ҷонибҳо ба мувофиқа расиданд, ки тамосҳои доимии худро оид ба қазияи Афғонистон идома хоҳанд дод.

Ҳамчунин мубодилаи афкор атрофи дигар ҷанбаҳои рӯзмарраи ҳамкориҳои минтақавӣ ва масъалаҳои алоҳидаи рӯзномаи минтақавӣ сурат гирифт.

Опубликовано в Сиёсат

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон