Эълон (21)
Дар шабакаҳои иҷтимоии интернетӣ аз ҷониби шахсони номаълум саҳифаи қалбакии Вазорати корҳои хориҷии Ҷумҳурии Тоҷикистон, Сафорат ва консулгариҳои генералии Ҷумҳурии Тоҷикистон дар Федератсияи Русия бо мақсади ғаразнок ва фиребгарӣ сохта шудааст. Дар саҳифаи мазкур “АНКЕТА” нашр шуда, мардумро барои пур кардани он даъват намудаанд ва аз ҳар тоҷикистонии дар Русия буда талаб гардидааст, ки 893 рубли русиро пардохт намуда, “кӯмаки якдафъинаи молиявӣ”-ро ба маблағи 12 130 рубли русӣ ба даст орад.
Ҳадафи ин гуна шахсон ба даст овардани манфиат буда, барои ғаразҳои нопокашон бо нашри ҳар гуна ҳуҷҷатҳо ва наворҳои бардурӯғ ҳамватанонро фиреб медиҳанд.
Аз ин рӯ, эҳтиромона хоҳиш менамоем, ба чунин саҳифаҳои қалбакӣ бовар накунед, то ба доми фиреби қаллобон наафтед!
Сафорати Ҷумҳурии Тоҷикистон дар Федератсияи Россия аз ҳамватанон даъват ба амал меорад, ки ба маълумотҳои бардурӯғ ва беасос вобаста ба даъвати шаҳрвандони хориҷӣ ба хизмати ҳарбӣ дар Федератсияи Россия, аз ҷумла, муҳоҷирони меҳнатӣ аз Ҷумҳурии Тоҷикистон, ки аз ҷониби шахсони алоҳида ва гурӯҳҳои иғвоангез дар шабакаҳои иҷтимоӣ паҳн мегарданд, дода нашаванд ва танҳо ба маълумоти расмӣ таваҷҷуҳ намоянд.
ЭЪЛОН
29 Март 2022
Ба таваҷҷуҳи соҳибкорон ва тоҷирони Тоҷикистон!
Шаҳрвандони муҳтарам,
Дар робита ба нашри Қарори Ҳукумати Федератсияи Россия аз 9 марти соли 2022 № 311 «Дар бораи чораҳои татбиқи Фармони Президенти Федератсияи Россия аз 8 марти соли 2022 № 100» ба таваҷҷуҳи Шумо мерасонем, ки тибқи ин ҳуҷҷат содироти молҳои дар замимаи Қарори мазкур зикргардида ба қаламрави Федератсияи Россия манъ карда шудааст.
Дар Қарор ҳолатҳое низ муайян карда шудаанд, ки нисбати онҳо манъи содироти муқарраршуда татбиқ намегардад.
Бо матни пурраи Қарори болозикр метавонед дар сомонаи Ҳукумати ФР шинос шавед.
http://government.ru/docs/all/139702/
Ҳамчунин дар робита ба нашри Қарори дигари Ҳукумати Федератсияи Россия аз 14 марти соли 2022 № 362 «Дар бораи ҷорӣ намудани манъи муваққатии содироти зироатҳои ғалладонагӣ берун аз қаламрави Федератсияи Россия» ба таваҷҷуҳ мерасоем, ки тибқи ин ҳуҷҷат аз 15 март то 30 июни соли ҷорӣ барои содироти молҳои дар банди 1- и ин Қарор нишондодашуда аз қаламрави Федератсияи Россия манъи муваққатӣ муқаррар гардидааст.
Дар Қарор ҳолатҳое низ муайян карда шудаанд, ки насбати онҳо манъи содироти муқарраршуда татбиқ намегардад.
Бо матни пурраи Қарори номбурда метавонед дар сомонаи Ҳукумати ФР шинос шавед.
http://government.ru/docs/all/139803/
Лутфан, ҳангоми убури марз қоидаҳои номбаршударо риоя кунед!
ТАВАҶҶӮҲ!
23 Фев 2022Шаҳрвандони хориҷие, ки раводиди муқаррарӣ доранд ва барои онҳо омаду рафт ва буду бош дар Ҷумҳурии Тоҷикистон низоми бидуни раводид ҷорӣ карда шудааст, вазифадоранд дар давоми 10 (даҳ) рӯзи корӣ дар мақомоти корҳои дохилии Ҷумҳурии Тоҷикистон аз қайд гузаранд, ба истиснои шаҳрвандони кишварҳое, ки дар асоси созишномаҳои дахлдор ва бақайдгирӣ ба мӯҳлатҳои муайян озод мебошанд.
Бақайдгирии кормандони хадамотҳои дипломатӣ дар Вазорати корҳои хориҷии Ҷумҳурии Тоҷикистон амалӣ карда мешавад.
Иқтибос аз Қонуни Ҷумҳурии Тоҷикистон “Дар бораи вазъи ҳуқуқии шаҳрвандони хориҷӣ ва шахсони бешаҳрванд дар Ҷумҳурии Тоҷикистон”.
Ба таваҷҷуҳи шаҳрвандони Тоҷикистон !
15 Июн 2021
Сафорати Ҷумҳурии Тоҷикистон ба таваҷҷуҳи шаҳрвандони Тоҷикистон мерасонад, ки бинобар давом ёфтани маҳдудиятҳои ҷоришуда вобаста ба пандемияи коронавирус (COVID-19) дар қаламрави Россия ва бо назардошти марҳилаи бартарафсозии паёмадҳои он, 16 июни соли 2021 аз ҷониби Президенти Федератсияи Россия фармон дар бораи танзими ҳолати ҳуқуқии шаҳрвандони хориҷӣ содир шуд.
Мутобиқи он фармон мӯҳлати бақайдгирии шаҳрвандони хориҷӣ дар қаламрави Россия то 90 рӯзи дигар, яъне то 30 сентябри соли 2021 тамдид карда шуд.
Дар ин робита, шаҳрвандоне, ки натавонистанд ҳузури худро дар қаламрави Россия то кунун ба расмият дароранд (бақайдгирӣ, иҷозати кор ва ғайра), акнун метавонанд ин амалҳоро то 30 сентябри соли 2021 анҷом диҳанд.
Зимнан, шаҳрвандоне, ки қонунгузории Федератсияи Россияро вайрон накардаанд, аммо ба иллати маҳдудиятҳои пандемия, айни замон ба таври ғайриқонунӣ дар қаламрави Россия ҳузур доранд, то 30 сентябри соли 2021 аз кишвар хориҷ (депортатсия) карда намешаванд.
Дар баробари ин, бояд таваҷҷуҳ кард, ки шахсони то замони шурӯъи пандемия ба қонуншиканӣ роҳ дода, аз ҷумла қонунвайронкунии маъмурӣ, барои он кирдори худ ҷарима карда мешаванд. Аммо онҳо низ, метавонанд то 30 сентябри соли 2021 бо пешниҳоди санадҳои дахлдор ба мақомоти корҳои дохилии Россия ҳолати ҳуқуқии худро ба расмият дароранд ва ё дар муддати 90 рӯзи минбаъда кишварро тарк намоянд.
Сафорати Тоҷикистон бо ибрози матлаби болозикр, аз ҳамаи шаҳрвандони Ҷумҳурии Тоҷикистон, ки дар қаламрави Россия қарор дошта, айни замон бо сабабҳои гуногун ҳуҷҷатҳои худро ба расмият надаровардаанд, эҳтиромона хоҳиш менамояд, ки аз фурсати муносиб зудтар истифода намуда, ҳузури худро тибқи қонунгузории Россия қонунӣ намоянд.
Барои маълумот, дар зер ҷиҳати дастрасӣ ба матни фармони Президенти Россия иртибот дода мешавад:
http://www.kremlin.ru/events/president/news/65863
Шаҳрвандони Ҷумҳурии Тоҷикистон, ки айни замон дар қаламрави Федератсияи Россия қарор доранд ва бо сабабҳои гуногун худро ба қайди иқомат (регистрация) нагирифтаанд, то ҳол ғайриқонунӣ фаъолият менамоянд, инчунин ҳуқуқвайронкунии маъмурӣ содир намудаанд, бояд ба шӯъбаҳои Сарраёсати Вазорати корҳои дохилӣ оид ба масъалаҳои муҳоҷирати Федератсияи Россия (ГУ МВД РФ) дар маҳалли истиқоматашон ҳозир шуда, сабти ном кунанд ва будубоши худро дар Россия қонунӣ намоянд. Ҳамчунин, шаҳрвандон метавонанд патентҳои кории худро тамдид ё аз нав таҳия намоянд.
Агар шаҳрвандоне, ки то 15 июни соли 2021 будубоши худро дар қаламрави Федератсияи Россия ба расмият (қонунӣ) надароранд, ба таври автоматӣ ба рӯйхати шахсоне шомил мешаванд, ки вурудашон ба қаламрави Федератсияи Россия манъ аст.
Дар ҳолати тафтиш аз ҷониби намояндагони мақомоти ҳифзи ҳуқуқи Федератсияи Россия, чунин шаҳрвандон аз Россия барои солҳои тулонӣ хориҷ (депортация) карда мешаванд.
Дар ҳолати пайдо шудани саволҳои иловагӣ ё маслиҳат, шаҳрвандони Ҷумҳурии Тоҷикистон метавонанд ба рақамҳои телефонӣ ё почтаи электронии Хадамоти консулии Сафорат дар тамос шаванд.
Тел: +79857400212;
+79660732030;
+79670260070.
E-mail: Этот адрес электронной почты защищен от спам-ботов. У вас должен быть включен JavaScript для просмотра.
Бо пешниҳоди Вазорати корҳои хориҷии Ҷумҳурии Тоҷикистон, Ситоди ҷумҳуриявӣ оид ба пешгирӣ, паҳншавӣ ва интиқоли сирояти коронавирус (COVID-19) ҷиҳати оғози низоми фуруши озоди билети ҳавопаймоҳо барои парвозҳои чартерии ширкатҳои ҳавопаймоии Тоҷикистон аз шаҳрҳои гуногуни Федератсияи Россия аз 16 ноябри соли 2020 қарор қабул намуд.
Ҳамзамон, бинобар минбаъд зарурат надоштани тартибдиҳии рӯйхати гуруҳҳои осебпазири шаҳрвандони Ҷумҳурии Тоҷикистон ҷиҳати шомил намудан ба хатсайрҳои интиқолӣ, кори комиссияҳои махсуси назди Сафорат ва консулгариҳои генералии Ҷумҳурии Тоҷикистон дар Федератсияи Россия қатъ карда мешавад.
Шаҳрвандони Тоҷикистон метавонанд билетҳо барои парвозҳои мазкурро аз нуқтаҳои расмии фурӯши ширкатҳои ҳавопаймоии Тоҷикистон дар шаҳрҳои Россия харидорӣ намоянд. Вазорати корҳои хориҷии Ҷумҳурии Тоҷикистон ба ширкатҳои ҳавопаймоии ватанӣ ҷиҳати дар фурсатҳои наздик ҷорӣ намудани низоми интернетии фурӯши билетҳо муроҷиат намудааст.
Ба таваҷҷуҳи шаҳрвандон мерасонем, ки ҳангоми бозгашт ба Ватан, бояд бо худ маълумотномаи тиббӣ дар бораи надоштани сирояти коронавирусро дошта бошанд (бо мӯҳлати на дертар аз 96 соат (4 шабонарӯз) пеш аз воридшавӣ ба Тоҷикистон).
Кӯдакони то 3-сола аз пешниҳоди чунин маълумотнома озод мебошанд.
Билетҳоро барои парвозҳои чартерӣ дар нуқтаҳои расмии фурӯши ширкатҳои ҳавопаймоии ватанӣ, ки унвониашон дар зер оварда мешавад, метавон дастрас намуд:
ш.Москва - Фурудгоҳи байналмилалии "Домодедово", кассаи билетфурӯшии №88,
тел: 89295994541;
ш.Москва - Фурудгоҳи байналмилалии "Домодедово", кассаи билетфурӯшии №40,
тел: 89295994541;
Вилояти Москва, ҳавзаи шаҳрии Домодедово, километри 40-ум А-105, бинои 3, меҳмонхонаи Ибис,
тел: 84956400451.
ш.Москва, 2-я Тверская-Ямская, хонаи 40/3, бинои 1 Меҳмонхонаи Тоҷикистон (Гостевой дом Таджикистана),
тел: 89264550055;
ш.Санкт-Петербург, Фурудгоҳи Пулково,
тел: 89775205886
ш.Санкт-Петербург, Хиёбони Московский, Литер А, хонаи 7, ҳуҷраи 40N,
тел: 89775205886;
ш.Новосибирск - Фурудгоҳи байналмилалии Новосибирск (Толмачево),
тел: 891611335998, 89035120420
ш.Екатеринбург - к.Техническая, хонаи 35,
тел: 891756811253;
ш.Красноярск - Фурудгоҳи байналмилалии Красноярск,
тел: 891611335998, 89035120420;
ш.Иркутск - шаҳраки Ангарск, маҳаллаи 11, хонаи 19, дафтари кории №4,
тел: 891611335998, 89035120420
ш. Қазон - Фурудгоҳи Қазон,
тел: 89035120420;
ш.Уфа - Фурудгоҳи байналмилалии Уфа,
тел: 89035120420;
ш. Сургут - к. Георгий Кукуевитский 15/1,
тел: 89035120420;
ш.Краснодар - Фурудгоҳи байналмилалии Краснодар,
тел: 89175681253.53.
Ҳамватанони азиз!
01 Окт 2020
Бо арзи эҳтиром ба таваҷҷуҳи шумо мерасонем, ки
11 октябри соли 2020 аз соати 08:00 то 20:00, дар бинои Сафорати Ҷумҳурии Тоҷикистон дар шаҳри Москва,
воқеъ дар кӯчаи Гранатний 13, интихоботи
Президенти Ҷумҳурии Тоҷикистон баргузор мегардад.
Дар ин робита, шумо ва аъзоёни оилаатонро, ки ба синни 18 расидаанд, барои иштирок дар интихоботи
Президенти Тоҷикистон даъват менамоем.
Лутфан, бо худ гирифтани шиносномаро фаромӯш насозед.
Иштироки Шумо дар интихобот – иштирок дар ҳаёти сиёсии Ватани азизамон ва саҳми Шумо дар таъмини ояндаи дурахшони Тоҷикистон мебошад!
Бо эҳтиром,
Сафорати Тоҷикистон
дар Федератсияи Россия
Суроға:
Сафорати Ҷумҳурии Тоҷикистон
дар Федератсияи Россия, шаҳри Москва,
Гранатний 13 (метро Баррикадная),
тел: +7 (495) 690-41-86
Ҳамватанони муҳтарам
02 Июл 2020
Чуноне, ки огоҳ ҳастед, дар партави иҷрои дастурҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати баргардонидани шаҳрвандон ба Ватан, аз 25 июни соли ҷорӣ марҳилаи навбатии таҳвили шаҳрвандон ба Тоҷикистон тавассути рейсҳои чартерии ҳавопаймоҳои ватанӣ шурӯъ гардид.
Дар ин робита бо супориши Вазорати корҳои хориҷӣ, дар Сафорат ва консулгариҳои генералии Тоҷикистон дар Россия аз 19 июни соли 2020 баруйхатгирии шаҳрвандон барои бозгашти минбаъда оғоз шуд.
Бояд қайд намуд, ки дар ин муддат теъдоди муроҷиаткунандагони номнависшуда дар шаҳрҳои Москва, Санкт-Петербург, Новосибирск ва Екатеринбург ҳазорҳо нафарро ташкил дод, ки аз ин ҳисоб пеш аз ҳама беморону маъюбон, занон бо кӯдакон, пиронсолон ва донишҷӯён, инчунин шахсоне, ки бинобар сафари хизматӣ дар қаламрави Россия дармондаанд, пас аз санҷиши Комиссияи махсус барои бозгашт ба Тоҷикистон ба руйхат гирифта мешаванд.
Намояндагиҳои дипломатии Тоҷикистон дар Россия ба шахсоне, ки тибқи руйхат ба Тоҷикистон бармегарданд, ҷиҳати харидории билетҳо аз кассаҳои намояндагии ширкатҳои «Тоҷик-Эйр» ва «Сомон-Эйр», телефонӣ хабар медиҳанд.
Зимнан, бинобар теъдоди ниҳоят зиёди хоҳишмандон ҷиҳати бозгашт ба Ватан, ки аз шумораи парвозҳои чартерии дар моҳи июл ба нақша гирифташуда якчанд маротиба зиёд мебошад, эҳтиромона ба маълумоти ҳамватанон мерасонем, ки баруйхатгирии шаҳрвандон ба таври мустақим дар бинои Сафорат ва консулгариҳои генералии Тоҷикистон дар Росссия муваққатан қатъ карда мешавад.
Ҳамзамон, қабули аризаҳо барои бозгашт ба Ватан тавассути адреси электронии
Этот адрес электронной почты защищен от спам-ботов. У вас должен быть включен JavaScript для просмотра. бо назардошти эҳтимоли ташкили парвозҳои чартерии минбаъда
Вазорати корҳои хориҷии Ҷумҳурии Тоҷикистон иловатан ба хабари қаблӣ дар бораи марҳила ба марҳила баргардонидани шаҳрвандони Тоҷикистон эътиборан аз 25 июни 2020 аз шаҳрҳои Москва, Санкт-Петербург, Қазон, Новосибирск ва Екатеринбурги Федератсияи Россия иттилоъ медиҳад, ки парвозҳои чартерӣ тибқи ҷадвали зерин, ки бо мақомоти дахлдори Россия ҳамоҳанг шудаанд, сурат мегиранд:
25 июни 2020 бо хатсайри Душанбе – Москва – Душанбе, ширкати “Тоҷик Эйр”;
26 июни 2020 бо хатсайри Душанбе – Қазон – Душанбе, ширкати “Тоҷик Эйр”;
30 июни 2020 бо хатсайри Душанбе – Новосибирск – Душанбе, ширкати “Сомон Эйр”;
1 июли 2020 бо хатсайри Душанбе – Москва – Душанбе, ширкати “Сомон Эйр”;
6 июли 2020 бо хатсайри Душанбе – Санкт-Петербург – Душанбе, ширкати “Сомон Эйр”;
7 июли 2020 бо хатсайри Душанбе – Екатиринбург – Душанбе, ширкати “Тоҷик Эйр”;
13 июли 2020 бо хатсайри Душанбе – Москва – Душанбе, ширкати “Тоҷик Эйр”;
14 июли 2020 бо хатсайри Душанбе – Москва – Душанбе, ширкати “Сомон Эйр”.
Хотиррасон менамоем, ки пеш аз ҳама ба парвозҳо беморон, занону кӯдакони хурдсол, пиронсолон, донишҷӯён, инчунин шахсоне, ки ба сафари хидматӣ ба Россия рафта буданд, роҳ дода мешавад.
Ҳамзамон хабар медиҳем, ки тибқи дастури Ситоди ҷумҳуриявӣ оид ба пешгирӣ аз паҳншавии бемории ҳамагири Ковид-19 масъалаи барқарор намудани парвозҳои доимӣ ба/аз Русия, Туркия ва Чин аз ҷониби мақомоти марбута мавриди баррасӣ қарор дорад.
