Ҷашнвораҳо (56)
Таҷлили Рӯзи Президенти Тоҷикистон дар Россия
16 Нояб 202215 ноябри соли 2022 дар ш.Москва бахшида ба Рӯзи Президенти Ҷумҳурии Тоҷикистон, 30-умин солгарди Иҷлосияи таърихии XVI Шӯрои Олии Ҷумҳурии Тоҷикистон ва Рӯзи Парчами давлатӣ вохӯрӣ бо роҳбарону фаъолони диаспораи тоҷикон дар Россия, инчунин ҳамватанони муқими шаҳри Москва ва вилояти Москва баргузор гардид.
Сафири Тоҷикистон дар Россия Давлатшоҳ Гулмаҳмадзода ҳозиринро бо ин ҷашнҳои муҳими таърихӣ табрик гуфта, нақши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмонро дар таъмини сулҳ, пойдории давлатдории тоҷикон ва рушди минбаъдаи Тоҷикистон, ҳамчуинин аҳамияти тақдирсозу таърихии Иҷлосияи XVI Шӯрои Олии Ҷумҳурии Тоҷикистонро қайд намуд.
Ҳамзамон доир ба дастовардҳои ҷумҳурӣ дар соҳаҳои гуногун ва таҳкимёбии нақши кишвар дар арсаи байналмилалӣ, инчунин тадбирҳои Ҳукумати Тоҷикистон дар ҳалли як қатор масъалаҳои марбут ба вазъи муҳоҷирони меҳнатӣ ва ҳифзи ҳуқуқи онҳо маълумот дода шуд.
Дар навбати худ иштирокчиёни чорабинӣ ба рушди Тоҷикистон дар солҳои истиқлолият баҳои баланд дода, доир ба паҳлӯҳои гуногуни ҳаёти кишвар андеша ва пешниҳодҳои худро баён намуданд.
4 ноябри соли 2022 дар Сафорати Ҷумҳурии Тоҷикистон дар Федератсияи Россия ба муносибати Рӯзи Конститутсияи Ҷумҳурии Тоҷикистон бо иштироки ҳайати кормандони Намояндагии дипломатӣ ва намояндагони тамоми сохторҳои давлатии Тоҷикистон дар Россия ҷаласаи тантанавӣ баргузор гардид.
Сафири Тоҷикистон дар Россия Давлатшох Гулмаҳмадзода зимни суханронӣ ҳозиринро ба муносибати ин ҷашни муҳими давлатӣ табрик намуда, аҳамияти қабули Конститутсияро ба сифати як санади тақдирсози сиёсӣ ва ҳуқуқӣ қайд кард. Таъкид гардид, ки Конститутсия барои бунёди давлати соҳибихтиёри демократию ҳуқуқӣ ва дунявӣ, ҷомеаи озоди шаҳрвандӣ заминаи мустаҳкамро фароҳам овард.
Дар зимн Д. Гулмаҳмадзода нақши муҳими Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар таъмини соҳибихтиёрии Тоҷикистон, истиқлолият ва тамомияти арзии он, инчунин татбиқ ва риояи қонуни асосии давлат, ҳуқуқ ва озодиҳои инсонҳо ва шаҳрвандон махсусан қайд намуд.
3 октябри соли 2022 Сафири Ҷумҳурии Тоҷикистон дар Федератсияи Россия Давлатшоҳ Гулмаҳмадзода ба ифтихори Рӯзи забони давлатӣ бо донишҷӯёни тоҷики мактабҳои олии кишвари иқомат ва аъзоёни Шӯрои ҷамъиятии назди Сафорати Тоҷикистон дар Россия мулоқот анҷом дод.
Роҳбари Намояндагии дипломатӣ ба чорабинӣ ҳусни оғоз бахшида, зимни суханронии табрикотӣ таваҷҷуҳи ҳозиринро ба нақши бузурги забони тоҷикӣ дар низоми давлатдорӣ, пешрафти илму маърифат ва фарҳангу ҳунар ҷалб намуд. Дар ин раванд саҳми арзандаи шоирони классик ва файласуфону олимони тоҷик, ки маҳз тавассути онҳо рушду пойдории забони тоҷикӣ барои наслҳои минбаъда таъмин гардид, қайд карда шуд.
Махсусан таъкид гардид, ки нақши муҳим ва мақоми воқеан давлатӣ гирифтани забони тоҷикӣ дар таърихи навини тоҷикон бевосита аз сиёсати хирадмандонаи Пешвои миллат маншаъ мегирад.
Ҳамчунин дар рафти мулоқот Д. Гулмаҳмадзода бо иштирокдорон дар мавзӯи дастовардҳои Тоҷикистон дар давраи 31 соли Истиқлолият, таблиғи худшиносиву худогоҳӣ, ҳифзи арзишҳои таърихиву фарҳангӣ ва ҳувияти миллии ҷавонон сӯҳбат орост. Дастгирии доимии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар фароҳамсозии шароити мусоид барои таҳсил ва рушди минбаъдаи ҷавонон, ба вежа таъкид гардид.
Роҳбари Намояндагии дипломатӣ ба донишҷӯён маслиҳат дод, ки аз шароити мусоиди фароҳамомада барои андӯхтани дониш ва рушди ҳамаҷонибаи малакаашон истифода баранд.
Дар он вохӯрӣ масоили мавриди таваҷҷӯҳи ҷавонони тоҷик, низ баррасӣ гардид.
Роҳбари Намояндагии дипломатӣ таъкид кард, ки Сафорат омода аст, то дар амалисозии ташаббусҳои ҷавонони донишҷӯ мусоидат намояд.
30 сентябри соли 2022 дар Вазорати корҳои хориҷӣ бо иштироки собиқ Вазири корҳои хориҷӣ академик Талбак Назаров ва кормандони дастгоҳи марказии Вазорат маҷлиси тантанавӣ бахшида ба Рӯзи хизматчиёни дипломатии Ҷумҳурии Тоҷикистон баргузор гардид.
Вазири корҳои хориҷӣ Сироҷиддин Муҳриддин бо сухани ифтитоҳӣ баромад намуда, ҳозиринро ба муносибати иди касбӣ табрику таҳният гуфт. Вазир дар суханронии худ қайд намуд, ки бо шарофати сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон кишвар дар даврони Истиқлолият на танҳо равобити судмандро бо давлатҳои ҷаҳон барқарор кард, балки бо татбиқи дипломатияи хосси худ, ки ба ҳифзи манофеи миллӣ ва эҳтироми арзишҳои умумибашарӣ асос ёфтааст, ба ҳайси як кишвари фаъол, ташаббускор ва таъсиргузор дар ҳалли масоили глобалӣ шинохта шавад.
Дар навбати худ Академик Талбак Назаров зимни суханронияш аз таърихи ташаккул, душвориҳо ва дастовардҳои соҳаи дипломатия дар Тоҷикистон ва сиёсати хориҷии фаъоли он зери роҳбарии Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон Эмомалӣ Раҳмон суханронӣ кард.
9 сентябри соли ҷорӣ бо иқдоми Сафорати Тоҷикистон дар Россия ба ифтихори таҷлили Рӯзи Истиқлолияти давлатии Ҷумҳурии Тоҷикистон ва 30-юмин солгарди истиқрори муносибатҳои диплолматӣ миёни Тоҷикистон ва Россия дар медиа-фасадҳои биноҳои мавзеи Арбати шаҳри Москва лавҳаҳои ҷашнӣ намоиш дода шуданд.
Сафорати Ҷумҳурии Тоҷикистон дар Федератсияи Россия 9 сентябри соли 2022 Рӯзи Истиқлолияти давлатии Ҷумҳурии Тоҷикистон ва 30-юмин солгарди истиқрори муносибатҳои дипломатӣ миёни Ҷумҳурии Тоҷикистон ва Федератсияи Россияро ботантана ва шукуҳи хос таҷлил кард.
Дар чорабинии тантанавӣ аъзои Шӯрои Федератсия, вакилони Думаи давлатӣ, аъзоёни Ҳукумати Федератсияи Россия, роҳбарияти Вазорати корҳои хориҷӣ ва дигар намояндагони мақомоти давлатии Федератсияи Россия, сафирони кишварҳои хориҷӣ, намояндагони воситаҳои ахбори омма, аҳли илму фарҳанг, инчунин ҳамватанони муқими Россия иштирок намуданд.
Дар чорабинӣ ҳамчунин Вазири рушди иқтисод ва савдои Тоҷикистон З. Завқизода , Вазири саноат ва технологияҳои нав Ш.Кабир, Раиси Кумитаи давлатии сармоягузорӣ ва идораи амволи Тоҷикистон С.Қодирзода ва роҳбари ТАЛКО-Менеҷмент С. Ҷаборов ширкат варзиданд.
31 сол муқаддам Тоҷикистон ба истиқлолият ва соҳибихтиёрӣ ноил гардид ва имкон пайдо кард, ки роҳи минбаъдаи худро ба сӯи рушду шукуфоӣ мустақилона интихоб намояд. Инак, имрӯз Тоҷикистон бо қадамҳои устувор, зери ливои соҳибихтиёрӣ ва роҳбарии хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешрафт мекунад.
Сафири Тоҷикистон дар Россия Давлатшоҳ Гулмаҳмадзода зимни суханронии табрикотиаш қайд кард, ки ба даст овардани истиқлолият дар таърихи халқи тоҷик як воқеаи сарнавиштсоз дар роҳи бунёди давлати соҳибистиқлол, ҳуқуқбунёд, дунявӣ, демократӣ буда, ҳамзамон эҳёи анъанаҳои миллӣ ва пояҳои давлатдорӣ мебошад.
Бо ёдоварӣ аз дастовардҳои муҳимтарини давлат дар солҳои истиқлолият, нақши афзояндаи Тоҷикистон дар арсаи байналмилалӣ зикр гардид.
Воқеан, Истиқлолияти давлатӣ барои мардуми тоҷик бузургтарин арзиш ва сарвати миллӣ аст.
Ҳамчунин зикр гардид, ки соли 2022 барои Ҷумҳурии Тоҷикистон ва Федератсияи Россия соли муҳим ба шумор меравад, зеро 8 апрел кишварҳои мо 30-юмин солгарди истиқрори муносибатҳои дипломатиро ҷашн гирифтанд.
Таърихи муносибатҳои Тоҷикистону Россия решаҳои чандинасра дорад ва онҳоро робитаҳои зич, бародарона, дӯстии халқҳо ва мероси фарҳангӣ мепайвандад. Аз ин рӯ, Россия аз солҳои аввали истиқлолияти давлатии Тоҷикистон дар низоми афзалиятҳои сиёсати хориҷии кишвари мо мавқеи калидиро ишғол менамояд.
Дар назди ҳозирин, инчунин аз номи Федератсияи Россия Вазири рушди иқтисоди Федератсияи Россия М.Г.Решетников суханронӣ кард. Мавсуф ҳозиринро ба муносибати ҷашни Истиқлолияти давлатии Ҷумҳурии Тоҷикистон ва 30-солагии истиқрори муносибатҳои дипломатӣ миёни Ҷумҳурии Тоҷикистон ва Федератсияи Россия табрику таҳният гуфта, ба мардуми дӯсти тоҷик сулҳу осоиш ва шукуфоӣ таманно намуд.
Ҳамчунин дар назди ҳозирин Вазири рушди иқтисод ва савдои Ҷумҳурии Тоҷикистон З.Завқизода бо сатрҳои табрикотӣ суханронӣ кард.
Чорабиниро барномаи ҷолиби консертӣ, ки таҷассумгари таърихи бостонӣ, фарҳанги ғанӣ ва бозгуй аз анъанаҳои деринаи халқи тоҷик буд, пуршукуҳ гардонид. Ҳамчунин ба меҳмонон филмҳо ва наворҳо дар бораи дастовардҳои бузурги Ҷумҳурии Тоҷикистон дар давраи 31 соли Истиқлолияти давлатӣ, инчунин муносибатҳои дӯстонаи Тоҷикистону Россия дар тӯли 30 сол манзур гардид.
Ҳамзамон дар доираи чорабинӣ намоишгоҳ дар мавзӯи «Сайёҳӣ ва ҳунарҳои мардумӣ» пешкаши меҳмонон гардид.
Чорабинӣ дар фазои идона ва дӯстона баргузор шуд.
Ҳамватанони муҳтарам!
08 Сен 2022
Сафорати Тоҷикистон дар Россия бо камоли эҳтиром кулли ҳамватанонро ба муносибати 31-солагии ҷашни Истиқлолияти давлатии Ҷумҳурии Тоҷикистон самимона табрик менамояд.
Ба ҳамаи ҳамватанони азиз бахту саодат, муваффақиятҳои беназир ва барои Ватани маҳбубамон сулҳу суботи пойдор ва ваҳдату шукуфоии ҳамешагиро таманно дорем.
Бигзор Тоҷикистони азизи мо бо роҳбарии хирадмандонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба пешрафтҳои бузурги минбаъда комёб гардад.
Ҷашни Истиқлоли Ватан муборак, ҳамватанони гиромӣ!
Ҳамватанони азиз!
26 Июн 2022
Иҷозат фармоед, якояки шуморо ба муносибати таҷлили 25-умин солгарди Рӯзи Ваҳдати миллӣ табрику муборак намуда, бароятон сиҳатмандии комил, рӯзгори хушу осуда, сулҳу ваҳдати абадӣ ва барору сарбаландиҳо таманно намоем.
Бигзор, хуршеди сулҳу ваҳдат ва дӯстиву бародарӣ дар фазои Тоҷикистони озоду соҳибистиқлол ҳамеша нурафшонӣ намояд!
Зиндаву поянда бод Ваҳдати миллӣ!
Шоми Тоҷикистон дар “Хаймаи Рамазонӣ”
21 Апр 202219 апрели соли 2022 Сафорати Ҷумҳурии Тоҷикистон дар Федератсияи Россия дар якҷоягӣ бо намояндагони вазорату идораҳои Тоҷикистон дар Россия дар чаҳорчӯби барномаи "Хаймаи Рамазонӣ" дар назди бинои масҷиди “Поклонная гора”-и шаҳри Москва барномаи “Шоми Тоҷикистон”-ро барпо намуданд.
Дар он шом дар Хаймаи Рамазонии масҷиди “Поклонная гора”-и шаҳри Москва мардуми зиёд ҷамъ гардида буд. Дар чорабинии мазкур шаҳрвандони Ҷумҳурии Тоҷикистон ва намояндагони дигар халқу миллатҳое, ки дар шаҳри Москва зиндагӣ мекунанд, иштирок намуданд.
Мушовири Сафорати Тоҷикистон дар Федератсияи Россия С.Солеҳ ҳозиринро бо моҳи шарифи Рамазон табрику таҳният намуда, ба Шӯрои муфтиҳои Россия барои татбиқи шоистаи ташаббуси баргузории чорабинии ҳамасола бо номи «Хаймаи Рамазонӣ» изҳори миннатдорӣ кард. С.Солеҳ ҳамчунин зикр кард, ки баргузории ин чорабинӣ барои мусулмонони муқими Россияи гуногунмиллат анъанаи нек шудааст.
Дар идомаи чорабинӣ ба таваҷҷуҳи ҳозирин барномаи фарҳангӣ пешкаш карда шуд, ки дар доираи он меҳмонон дар викторинаи бахшида ба соҳаҳои гуногуни Тоҷикистон ширкат варзиданд.
Иштирокчиёни викторина ба саволҳо оид ба таърих, фарҳанг ва мавзеъҳои сайёҳии Тоҷикистон посух дода, аз ҷониби Сафорат бо тӯҳфаҳои хотиравӣ сарфароз гардонида шуданд.
