Дастаи мунтахаби Сафорати Тоҷикистон дар мусобиқаи футболи хурд ҷойи аввалро сазовор шуд Избранное

06 Июн 2018
1156 раз

3 июни соли 2018 бахшида ба Рӯзи Россия мусобиқаи футболи хурд барои дарёфти Ҷоми XVIII-уми Ректори Донишгоҳи муносибатҳои байналмилалии Москва (МГИМО) баргузор шуд.
Дастаи мунтахаби Сафорати Ҷумҳурии Тоҷикистон дар Федератсияи Россия иборат аз кормандони он ва намояндагони ташкилоти ҷамъиятии диаспораҳо дастаи "Снегири"-ро бо ҳисоби 2:1 мағлуб намуда, соҳиби Ҷоми Ректори Донишгоҳи мазкур гардид.
Дастаи Сафорат ҷойи аввалро дар миёни 26 дастаи намояндагиҳои дипломатии давлатҳои хориҷии муқими Москва, Вазорати корҳои хориҷии Россия, кормандони Донишгоҳи муносибатҳои байналмилалии Москва, инчунин дастаи сарпарасти мусобиқа "Снегири" ишғол намуд.
Мусобиқа дар варзишгоҳи Донишгоҳи муносибатҳои байналмилалии Москва (МГИМО) бо роҳпаймоии ҳамаи дастаҳои иштирокдор зери марши низомӣ ва оркестр оғоз гардида, парчамҳои миллии кишварҳо барафрохта шуд.
Дар ҷамъбасти мусобиқа бозингарони дастаи мунтахаби Сафорати Ҷумҳурии Тоҷикистон дар Федератсияи Россия бо Ҷом, медал ва дипломҳо сарфароз гардонида шуданд.
Қобили зикр аст, ки дастаи Сафорати Ҷумҳурии Тоҷикистон дар Федератсияи Россия бо ин комёбӣ маротибаи шашум ғолиби Ҷоми мазкур гардид.

Хадамоти матбуотии Сафорати Тоҷикистон дар Россия

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон