Гуштингирӣ бахшида ба 25-умин солагарди Истиқлолияти Ҷумҳурии Тоҷикистон Избранное

30 Нояб 2016
2720 раз


27 ноябри 2016 дар Қасри варзиши шаҳри Москва якумин мусобиқаи байналмилалии “Гушингирӣ”, бахшида ба 25-умин солгарди Истиқлолияти Ҷумҳурии Тоҷикистон баргузор шуд.
Дар мусобиқа сад нафар варзишгар, ки иттиҳодияҳои касбии варзишии минтақаҳои Ярославл, Краснодар, Твер, Санкт-Петербург ва Новосибирски Россия, Ҷумҳурии Тоҷикистон ва Ҷумҳурии Қирғизистонро муаррифӣ менамуданд, ширкат варзиданд.
Созмондиҳандагони мусобиқа ТҶ “Нур” бо дастгирии бевоситаи Сафорати Ҷумҳурии Тоҷикистон дар Федератсияи Россия ва Федератсияи муҳоҷирони меҳнатии Россия чорабиниро баргузор намуданд. Эҳтимол меравад, ки мусобиқаи мазкур ҳамасола дар байни дастаҳои миллии диаспораҳои шаҳр ва вилояти Москва гузаронида шавад.
Диаспораҳои тоҷик муддати дароз аст, ки мусобиқаҳои варзиширо танҳо дар байни ҳамватанони худ мегузаронанд, аммо ҳозир вақти он расидааст, ки намояндагони диаспораҳои гуногуни Федератсияи Россия низ ба мусобиқаҳои мазкур ҷалб гарданд. Ин иқдом метавонад баҳри ба ҳам наздикшавии миллатҳои гуногун дар қаламрави Россия ва дар кулли минтақа, хидмат кард.
Чунин мусобиқаҳо метавонанд якдигарфаҳмии байни варзишгарон ва тамошобинонро беҳтар намоянд. Баргузории чунин чорабиниҳо дар сатҳи боло, маҳорати баланди иштирокчиён ва муҳити хайрхоҳона метавонад тазодҳои дар ҷомеа бударо бартараф намояд.
Ғолибони мусобиқа бо медалҳо ва мукофотҳои пулӣ, инчунин бо ифтихорномаҳои фахрӣ аз ҷониби Сафорати Ҷумҳурии Тоҷикистон дар Федератсияи Россия сарфароз гардонида шуданд.
Созмондиҳандагони чорабинӣ ният доранд, ки дар соли дигар барномаи фарҳангӣ низ ба барномаи мусобиқа ҳамроҳ карда шавад.

Хадамоти матбуоти Сафорати ҶТ дар ФР

 

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон