Нозирони байналмилалӣ ба Сафорати Тоҷикистон ташриф оварданд Избранное

19 Май 2016
3077 раз

19 майи соли 2016 дар Сафорати Ҷумҳурии Тоҷикистон дар ш. Москва вохӯрии Сафири Ҷумҳурии Тоҷикистон дар Федератсияи Россия Имомуддин Сатторов бо нозирони байналмилалӣ аз ҳисоби Ассамблеяи байнипарламентии кишварҳои узви ИДМ Вадим Бекетов ва Кумитаи иҷроияи ИДМ Марина Афонина ки рафти баргузории Раъйпурсии умумихалқӣ оид ба ворид кардани тағйиру иловаҳо ба Конститутсияи Ҷумуҳарии Тоҷикистонро рӯзи 22 майи соли равон назорат мекунанд, доир гардид.
Зимни вохӯрӣ нозирони байналмилалӣ бо рафти корҳои омодагирӣ ба Раъйпурсии умумихалқӣ оид ба ворид кардани тағйиру иловаҳо ба Конститутсияи Ҷумҳурии Тоҷикистон, ки дар бинои Сафорати Тоҷикистон дар ш. Москва баргузор мегардад, шинос шуданд. Аз ҷумла, Сафири Тоҷикистон қайд кард, ки участкаи таъсисёфтаи раъйдиҳии № 57 дар бинои Сафорат тибқи талаботи қонунгузории Тоҷикистон барои баргузории ин маъракаи сиёсӣ пурра омода шудааст. И. Сатторов зикр намуд, ки Комиссияи участкавӣ оид ба баргузории раъйпурсӣ корҳои зиёдро роҷеъ ба маъракаи сиёсии дарпешистода барои хабардор намудани шаҳрвандони Тоҷикистон, ки дар Россия иқомат менамоянд, анҷом дода, тамоми шароитҳои лозимаро барои раъйдиҳии озоди шаҳрвандон фароҳам овардааст.
Нозирони байналмилалӣ дар навбати худ қайд карданд, ки корҳои омодагирӣ доир ба гузаронидани Раъйпурсии умумихалқӣ дар сатҳи зарурӣ анҷом дода шудаанд ва ба талаботи қонунгузории Тоҷикистон ҷавобгӯ мебошанд. Инчунин онҳо изҳори умед карданд, ки маъракаи мазкур тибқи меъёрҳои байналмилалӣ оид ба гузаронидани раъйпурсӣ сурат мегирад.

Хадамоти матбуоти Сафорати ҶТ дар ФР

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон