Мулоқоти Сафири Тоҷикистон бо тоҷикони муқими Ҷумҳурии Бошқирдистони Федератсияи Россия Избранное

07 Март 2022
91 раз

5  марти соли 2022 вохӯрии Сафири Тоҷикистон дар Россия Давлатшоҳ Гулмаҳмадзода бо намояндагони ҷамъияту ташкилоти ҳамватанони муқими Ҷумҳурии Бошқирдистони Федератсияи Россия баргузор гардид.
Зимни мулоқот Роҳбари Намояндагии дипломатӣ муҳтавои асосии нуктаҳои Паёми Президенти Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Тоҷикистонро шарҳу тавзеҳ дода, вобаста ба дастовардҳои ҷумҳурӣ дар соҳаҳои мухталиф ва таҳкими нақши кишварро дар арсаи байналмилалӣ   баён дошт.
Ҳамзамон, ба ҳозирин роҷеъ ба тадбирҳои андешидашуда аз ҷониби Ҳукумати Тоҷикистон дар самти ҳалли маҷмӯи масъалаҳои марбут ба муҳоҷирати меҳнатӣ ва ҳифзи ҳуқуқи онҳо дар Россия  маълумоти муфассал дода шуд.

Сафири Тоҷикистон аз намояндагони ташкилоту ҷамъиятҳо ҷиҳати  тақвият додани равобит ва ҳамкориҳо бо ҳамватанон, ки заминаи асосӣ дар таҳким ва рушди робитаҳои иқтисодии байни онҳо мебошад, даъват ба амал овард.

Инчунин дар рафти вохӯрӣ ҳамватанон суолу дархостҳои мухталифро, аз ҷумла марбут   ба бақайдгирии ҳуҷҷатҳо дар кишвари иқомат ва дигар масъалаҳои консулӣ иброз доштанд.

Сафорати Ҷумҳурии Тоҷикистон дар Россия

сиёсат, фарҳанг, санъат, ҷомеа, варзиш, тафреҳ, тандурустӣ, кортаъминкунӣ, дастрасии муҷаввиз, сафар ба хориҷ

123001, Москва, Гранатный пер. 13. (Метро Баррикадная)
Телефон: +7 (495) 690-38-46, 690-41-86, 690-61-02
Факс: +7 (495) 691-89-98

САФОРАТ ДАР ШАБАКАҲОИ ИНТЕРНЕТ:

Иштироки ахбор

Нигористон